Bakı-APA. Gürcüstan Konstitusiya məhkəməsi Mixail Saakaşvilinin səlahiyyətlərinə dair iddianın baxılmasını qəbul etməyib. APA-nın “Qruziya Onlayn”a istinadən verdiyi məlumata görə, buna səbəb kimi o göstərilir ki, “konstitusiya tipli dəyişiklikləri yalnız xalq tərəfindən seçilmiş qanunverici orqan qəbul edə bilər”.
Xatırladaq ki, müvafiq iddia ilə məhkəməyə yanvarın 4-də qeyri-hökumət təşkilatların bir qrup üzvü müraciət edib. Onlar prezidentin səlahiyyətlərini uzadılmasını əsaslandıran Konstitusiyaya “zidd olan maddəni” ləğv etməyə çağırıblar.
Belə ki, iddiada qeyd olunur ki, 70-ci maddənin 9-cu hissəsində qeyd olunur ki, Gürcüstanda prezident seçkiləri prezidentin səlahiyyətlərinin yekunlaşdığı ilin oktyabrında keçirilməlidir. Həmin maddənin 1-ci hissəsində isə qeyd olunub ki, Gürcüstanda prezident yalnız beş il müddətinə seçilir.
QHT-lərin bir qismi hesab edir ki, prezident Mixail Saakaşvilinin səlahiyyətləri yanvarın 20-də sona çatıb. Məhz yanvarın 20-də Saakaşvilinin inauqurasiyasının beş ili tamam olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
