Gürcüstan. Nizami Məmmədzadə - APA. Kutaisi şəhərində Gürcüstan Vahid Kommunist Partiyasının VIII (XXXV) qurultayı keçirilib. APA-nın Gürcüstan bürosunun məlumatına görə, qurultayda 200 nümayəndə və qonaqlar iştirak edib.
Qurultayda ölkədəki sosial-iqtisadi və siyasi vəziyyət müzakirə olunub, Nizamnamədə dəyişikliklər aparılıb və parlamentə müraciət qəbul edilib. Tədbirdə Gürcüstanın yeni hökumətinə də müraciət unvanlanıb. Müraciətdə Rusiya Federasiyası ilə mehriban qonşuluq münasibətləri yaradılmasının vacibliyi vurğulanıb.