Gürcüstan. Nizami Məmmədzadə - APA. Bu gün Gürcüstan 9 aprel faciəsinin qurbanlarını yad edir. APA-nın Gürcüstan bürosunun məlumatına görə, baş nazir Bidzina İvanişvili oğlu və həyat yoldaşı ilə birlikdə Gürcüstan parlamentinin keçmiş binası qarşısındakı 9 aprel abidəsini ziyarət edib, abidənin qarşısına əklil və gül-çiçək dəstələri qoyub. Bu gün digər dövlət və hökumət nümayəndələri və ictimaiyyət təmsilçiləri də abidə önünə gələrək, 24 il bundan əvvəl baş verən faciəni anacaqlar.
Azərbaycanlıların kompakt yaşadığı bölgələrdə də 9 aprel faciəsinə və Gürcüstanın müstəqilliyinin bərpasına həsr olunan silsilə tədbirlər keçirilməsi nəzərdə tutulub.
Xatırladaq ki, 1989-cu il aprelin 9-da səhər saat 4.00-da Tiflis şəhərinin Rustaveli prospektindəki etiraz aksiyası sovet ordusu tərəfindən dağıdılıb və 21 nəfər öldürülüb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
