Bakı-APA. Gürcüstanın Mtsxeta-Tianeti (Şərqi Gürcüstan) regionunun keçmiş qubernatoru Sezar Çoçeli maliyyə fırıldaqlarına yol verdiyinə görə Maliyyə nazirliyi tərəfindən həbs olunub.
“İstintaq işi Cinayət məcəlləsinin 337-ci (“Sahibkarlıq fəaliyyətində qanunsuz iştirak”) və 194-cü (“Qanunsuz gəlirlərin leqallaşdırılması”) maddələri üzrə aparılır, bu maddələr 12 ilədək həbs cəzası nəzərdə tutur”. APA-nın “RİA Novosti”yə istinadən verdiyi məlumata görə, bu barədə Maliyyə nazirliyinin nümayəndələri Tiflisdə keçirilmiş mətbuat-konfransında bildiriblər.
Qeyd edək ki, rəsmi ittiham Çoçeliyə yanvarın 25-də təqdim olunacaq.
Xatırladaq ki, Sezar Çoçeli 2008-ci ilin fevralından Gürcüstan prezidenti Mixail Saakaşvilinin müvəkkili, Mtsxeta-Tianeti regionunun qubernatoru olub. O tutduğu vəzifədən 2012-ci ilin noyabrın 24-də istefa verib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
