““Gürcü Arzusu - Demokratik Gürcüstan” partiyasının prezident seçkilərində layiqli namizədi olacaq”.
APA-nın yerli bürosunun məlumatına görə, bunu Gürcüstanın baş naziri Giorgi Kvirikaşvili Ambrolauridə partiyanın regional konfransında deyib. Baş nazir bildirib ki, payızda Gürcüstanda çox vacib seçkilər keçiriləcək, ölkə prezident seçəcək: “Biz hamımız bir yerdə olmalıyıq ki, layiqli namizədə səs verək. Dövlət başçısı vəzifəsini 6 il müddətində tutacaq Gürcüstan prezidenti layiqli təmsil olunmalı və məhz bizim partiyanın səsi seçkilərdə uğuru müəyyən edəcək”.
Qeyd edək ki, qonşu ölkədə prezident seçkiləri oktyabr ayında keçiriləcək. Gürcüstan parlamentinin spikeri İrakli Kobaxidzenin dünən bildirdiyinə görə, hakim partiya prezidentliyə namizədini iyul və ya avqust ayında açıqlayacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
