İngiltərənin Mançester şəhərində törədilən terror aktı ilə əlaqədar daha bir nəfər saxlanılıb.
APA-nın BBC-yə istinadən verdiyi xəbərə görə, bununla da saxlanılanların sayı 7-yə çatıb. Onlardan altısı kişi, biri isə qadındır.
İstintaq terror aktının İŞİD-lə əlaqəli cinayətkar şəbəkə tərəfindən hazırlandığını ehtimal edir. Ötən gün Liviyanın Tripoli şəhərində terror aktı törədən Salman Abedinin kiçik qardaşı və atası həbs edilib.
Mayın 23-ə keçən gecə Mançesterdə törədilən partlayış nəticəsində 12-si uşaq olmaqla 22 nəfər ölüb, 120 nəfər yaralanıb, 9 nəfər itkin düşmüş hesab edilir. Hazırda xəstəxanalarda 64 nəfərin müalicə aldığı, yaralılardan 20-nin vəziyyətinin ağır olduğu bildirilir. Terror aktına görə məsuliyyəti İŞİD terror qruplaşması öz üzərinə götürüb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
