Bu gün Marneulidəki Mülki Məşğulluq Mərkəzində Azərbaycan və gürcü dillərində fəaliyyət göstərən “Marneuli” radiosunun dəstəyi ilə çəkilən “Radioda bir gecə” adlı qısametrajlı filmin nümayişi olub.
APA-nın Gürcüstan bürosunun məlumatına görə, yeni çəkilən film azərbaycanlı və gürcü gənclərinin iştirakı ilə çəkilib. Filmin ssenari müəllifi Pərvin Abdullayev, rejissor-operatoru Rəsul Əsgərovdur.
Film radioda verilişlər hazırlanan zaman əməkdaşların başına gələn qorxunc hadisədən bəhs edir. “Radioda bir gecə” filmində əsas rollarda gənc aktyorlar Mamuka Nozadze, Pərvin Abdullayev, Lika Tabatadze, Rusa Kapanadze və Məryəm Tabatadze çəkiliblər.
“Marneuli” radiosunun direktoru Kamilə Məmmədova APA-ya açıqlamasında filmin ilk yaradıcılıq məhsulu olduğunu, gələcəkdə filmin serial şəklində davamı olacağını vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
