Son 10 ildə Gürcüstanın əhalisi azalıb.
APA-nın Gürcüstan bürosunun məlumatına görə, bu barədə Gürcüstan Milli Statistika Xidməti yeni məlumat yayıb.
Məlumata görə, son on il ərzində Gürcüstanda əhalinin sayı 676 500 nəfər azalıb. 2007-ci ildə əhalinin sayı 4 394 700 olub, 2017-ci il 4 yanvar məlumatına görə, bu rəqəm 3 718 200 nəfər təşkil edib (1,781,500 kişi və 1 936 700 qadın).
Məlumata görə, şəhər əhalisinin sayı 57.2% (2128600), kənd əhalisinin sayı isə 42.8% (1589600) təşkil edib. Hazırda Tiflis şəhərində 1 114 600 nəfər yaşayır.
Aparılan sorğu işğal olunmuş rayonlar istisna olmaqla, bütün milli əraziləri əhatə edib. Birləşmiş Millətlər Təşkilatının Əhali Fondunun proqnozlarına görə, Gürcüstanda demoqrafik vəziyyət yaxşılaşmasa, 2050-ci ildə əhalinin sayı 2 985 000 nəfərə yaxınlaşacaq.
Qeyd edək ki, Gürcüstanda yaşlı və gənc nəsil arasında ciddi balans pozulması müşahidə olunur və bu da əhalinin qocalmasına səbəb olur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
