Bakı-APA. Niderlandın Hes şəhərində miqrant mərkəzinin inşa edilməsinə qarşı etiraz aksiyası keçirilib.
APA-nın TASS agentliyinə istinadən verdiyi məlumata görə, aksiya şəhər bələdiyyəsinin iclası ilə eyni vaxtda başlayıb.
Nümayişçilər əvvəl müxtəlif şüarlar səsləndirib, sonra isə iclas keçirilən binaya yumurta və fişənglər atıblar. Hadisə yerinə cəlb edilən polis nümayişçiləri dağıdıb, bələdiyyə əməkdaşları binadan təxliyə edilib. Saxlanılanlar barədə məlumat verilmir.
Şəhər rəhbərliyi Hesdə miqrantların qəbulu üçün 500 nəfərlik mərkəz tikmək niyyətindədir. Etirazçılar bunun çox olduğunu hesab edir. Qeyd edək ki, şəhərdə 28 min nəfər əhali yaşayır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
