Bakı-APA. Sloveniya parlamenti Yanez Yanşanın hökumətinə etimadsızlıq göstərərək 43 yaşlı Alenka Bratuşeki yeni baş nazir seçib. Bratuşek ölkə tarixində ilk qadın baş nazir olub. Bu barədə APA RİA Novosti-yə istinadən məlumat verir.
Məlumata əsasən, Yanşa hökuməti korrupsiyada günahlandırılıb. Bratuşeki «Pozitiv Sloveniya», sosial-demokrat, «Vətəndaş siyahısı», Xalq və Sloveniya təqaüdçülərin demokratik partiyaları dəstəkləyiblər Onun əleyhinə Yanşanın başçılıq etdiyi Sloveniya demokrat partiyası və «Yeni Sloveniya» partiyası çıxış ediblər.
Yanvarın 8-də antikorrupsiya komissiyası Yanşanın 200 min avrodan çox məbləği bəyan etməyərək antikorrupsiya qanunvericiliyini pozduğunu elan etmişdi. Bunun ardınca bir çox müttəfiqləri Yanşa hökumətini tərk etmişdilər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
