Dekabrın 25-ə keçən gecə Gürcüstanın paytaxtı Tbilisidə yaşayış binasında güclü yanğın baş verib.
APA-nın xəbərinə görə, bu barədə Gürcüstan DİN-in Fövqəladə Halların idarə olunması Agentliyinin mətbuat xidməti bildirib.
“Dinamo” stadionu yaxınlığındakı yaşayış binasının mənzillərinin birində əmələ gələn yanğın 3 nəfərin həyatına son qoyub, daha 1 nəfər ağır yanıq xəsarətləri ilə xəstəxanaya çatdırılıb. Hazırda yanğın söndürülüb. Hadisənin səbəbləri araşdırılır.
Qeyd edək ki, bundan əvvəl "Rooms Tbilisi" hotelində yanğın baş verib, hadisə nəticəsində zərərçəkən yoxdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
