Türkiyənin Gürcüstana təyin olunmuş yeni səfiri Fatma Ceren Yazqan səlahiyyətlərinin icrasına başlayıb.
APA-nın yerli bürosunun məlumatına əsasən, xanım səfir etimadnaməsinin surətini Gürcüstan baş nazirinin müavini, xarici işlər naziri Mixeil Canelidzeye təqdim edib.
M.Canelidze Türkiyənin yeni səfirinə fəaliyyətində uğurlar arzulayıb. Görüşdə Gürcüstan-Türkiyə münasibətləri müzakirə olunub.
Qeyd edək ki, F.C. Yazqan 2014-cü ildən Türkiyənin Gürcüstandakı səfiri vəzifəsində çalışmış Zəki Ləvənt Gümrükçünü əvəz edəcək. Bu vaxta qədər xanım diplomat Türkiyə Xarici İşlər Nazirliyinin Analitika və Təhlükəsizlik Departamentinin baş direktorunun müavini vəzifəsində çalışıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
