Bakı-APA. Monteneqroda keçirilən növbəti prezident seçkilərdə hazırkı prezident Filipp Vuyanoviç qalib gəlib. Monteneqro Dövlət seçki komissiyasının məlumatına görə, Vuyanoviç 161 min səs toplayıb.
Müxalifətin namizədi Miodraq Lekiç 154 min səs alıb. Bu seçkilərin ilk rəsmi nəticələridir. DSK onların ilkin xarakter daşıdığını bildirib.
Daha öncə hər iki siyasətçi öz qələbəsini elan etmişdi.
Filipp Vuyanoviç artıq iki müddət ölkə prezidenti olub.