APA-nın “TASS”a istinadən verdiyi xəbərə görə, bu barədə Yunanıstanın energetika naziri Panayotis Lafazanis ölkənin baş naziri Aleksis Tsiprasın “Qazprom”un rəhbəri Aleksey Miller ilə görüşündən sonra bildirib.
“Biz Rusiya tərəfi ilə diskussiyanı davam etdiririk və tezliklə Yunanıstan üçün, bölgədə və, bütövlükdə, Avropada əməkdaşlıq üçün sərfəli qaz borusu haqqında sazişin əldə olunacağına ümid edirik”, deyə nazir qeyd edib.
“Bizim hökumət Yunanıstan-Rusiya əlaqələrinin aktiv inkişaf etməsini istəyir. Rusiya ilə xüsusilə də enerji sahəsində əməkdaşlıq bizim üçün mühüm strateji əhəmiyyət kəsb edir. Qaz borusu mövzusu bizim ölkəni çox narahat edir və bizim prioritetlər sırasındadır”, deyə nazir vurğulayıb.
Qeyd edək ki, Rusiyanın “Qazprom” və Türkiyənin “BOTAS” şirkətləri 2014-cü ilin dekabrın 1-də Qara dənizin dibi ilə çəkiləcək və illik tədarük gücünün 63 mlrd kubmetr olacaq qaz borusu haqqında qarşılıqlı anlaşma memorandumu imzalayıblar.
Qaz borusunun tikintisini Rusiyanın “Qazprom Russkaya” şirkəti həyata keçirəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
