Gürcüstan Prezidenti Salome Zurabişvili Rusiyanın Gürcüstan vətəndaşları üçün viza rejimini ləğv etmək və birbaşa uçuşları bərpa etmək qərarı ilə əlaqədar hökuməti Təhlükəsizlik Şurasının iclasını keçirməyə çağırıb.
APA-nın Tbilisi müxbiri xəbər verir ki, Prezidenti Salome Zurabişvili hökumətə çağırışını keçirdiyi xüsusi brifinqdə səsləndirib. O, Təhlükəsizlik Şurasının Rusiya vətəndaşlarına üç ay müddətinə viza rejiminin tətbiq edilməsi qərarını müzakirə etməli olduğunu, bunun daxili çağırışlarla əlaqədar zəruri olduğunu qeyd edib.
Zurabişvili ölkəyə daxil olan və burada qalan Rusiya vətəndaşlarına dövlət tərəfindən daha çox nəzarət edilməli olduğunu vurğulayıb. Dövlət başçısı Rusiyanın bu qərarının öz maraqları çərçivəsində qəbul edildiyini və hazırkı şəraitdə zamansız və təxribat xarakterli olduğunu təkrarlayıb.
Əlavə edib ki, bu Rusiyanın ötən gün Aİ tərəfindən qəbul edilmiş 11-ci sanksiyalar paketinə cavabı da ola bilər.
***
15:25
Gürcüstan Prezidenti Salome Zurabişvili Rusiyanın Gürcüstan vətəndaşlarına tətbiq etdiyi viza rejimini ləğv etməsini, həmçinin birbaşa uçuşların bərpasını təxribat adlandırıb.
APA-nın Tbilisi müxbiri xəbər verir ki, Salome Zurabişvili bu barədə Tvitter hesabında etdiyi paylaşımında qeyd edib:
“Daha bir Rusiya təxribatı! Birbaşa uçuşların bərpası və Gürcüstanla viza qaydasının ləğvi Rusiyanın Ukraynaya təcavüzünə davam etdiyi və bizim ərazimizi işğal etdiyi müddətdə qəbuledilməzdir ”, - deyə Zurabişvili bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
