Türkiyənin xarici işlər naziri Mövlud Çavuşoğlu və ABŞ dövlət katibi Antoni Blinken Türkiyə-Ermənistan və Azərbaycan-Ermənistan normallaşma prosesini müzakirə edib.
APA-nın İstanbul müxbiri xəbər verir ki, bu barədə türkiyəli nazir həmkarı ilə birlikdə mətbuata açıqlamasında bildirib.
O qeyd edib ki, tərəflər Ukraynadaki vəziyyəti, Əfqanıstan və digər məsələləri də müzakirə ediblər.
***
23.51
Türkiyənın xarici işlər naziri Mövlud Çavuşoğlu və ABŞ dövlət katibi Antoni Blinken Cənubi Qafqazdakı vəziyyəti müzakirə edəcək.
APA-nın İstanbul müxbiri xəbər verir ki, bu barədə türkiyəli nazir həmkarı ilə birgə mətbuata açıqlamasında bildirib.
O qeyd edib ki, tərəflər, həmçinin, Suriya, Ukrayna və Şərqi Aralıq dənizi ətrafında da fikir mübadiləsi aparacaq.
Çavuşoğlu, F-16 qırıcılarının Türkiyəyə tədarükünün NATO və ABŞ üçün də vacib məsələ olduğunu vurğulayıb.
***
23.09
Vaşinqtonda Türkiyənin xarici işlər naziri Mövlud Çavuşoğlu ilə ABŞ dövlət katibi Antoni Blinken arasında görüş başlayıb.
Bu barədə APA-nın İstanbul müxbirinə Türkiyə XİN-dən bildirilib.
Qeyd edək ki, görüş Türkiyə-ABŞ Strateji Mexanizmi çərçivəsində keçirilir və bir sıra regional məsələlər, o cümlədən F-16 qırıcılarının Türkiyəyə tədarükünün müzakirə olunacağı gözlənilir.
Görüş zamanı Çavuşoğlu Türkiyə və ABŞ-nın NATO çərçivəsində terrorla birgə mübarizə aparmaqlarının vacibliyindən də söhbət açacaq.