Bayden: “ABŞ qoşunlarının Əfqanıstanda olmasına ehtiyac yoxdur”

Bayden: “ABŞ qoşunlarının Əfqanıstanda olmasına ehtiyac yoxdur”
  • Clock-gray 08:34
  • calendar-gray 13 Sentyabr 2019

 

Demokratların liderlərindən olan, ABŞ-ın keçmiş vitse-prezidenti Jozef Bayden Vaşinqtonun Əfqanıstanda ABŞ qoşunlarının iştirakı olmadan da anti-terror əməliyyatları apara biləcəyinə inandığını açıqlayıb. 

APA TASS-a istinadla xəbər verir ki, Bayden cümə axşamı Texas ştatının Hyuston şəhərində ABC-də yayımlanan televiziya debatında bununla bağlı bəyanatlar səsləndirib.

Onun sözlərinə görə, ABŞ Əfqanıstandakı ekstremistlərdən hava hücumu edərək də özünü qoruya bilər. ABŞ prezidentliyinə namizədin fikrincə, Vaşinqton ABŞ-ın aviasiyasına "Pakistanın bazalar verməsini tələb etməlidir".

"Oradakı qoşunlarımıza ehtiyacımız yoxdur. Mən onları evə gətirəcəyəm", - deyən ABŞ-ın keçmiş vitse-prezidenti bunu hansı müddətdə edəcəyini açıqlamayıb.

Qeyd edək ki, artıq J.Bayden Demokratlardan prezidentliyə namizəd olmaq üçün müraciət edən siyasətçilər arasında lider sayılır. Aparılan sorğuların nəticələrinə görə, keçmiş vitse-prezidentin reytinqi son günlərdə təxminən 22 % -dən 33 % -ə qədər artıb. 
 

Rəşad Sarıyev

Digər xəbərlər

Arxiv

date