Vyanada yeni bir sənəd haqqında razılaşdıq və bu gündən onun üzərində işləyirik.
APA-nın Tehran bürosunun məlumatına görə, bunu İranın xarici işlər naziri Hüseyn Əmir Abdullahian deyib.
O qeyd edib ki, Vyana müzakirələrində yeni və müştərək sənəd haqqında razılıq əldə olunub.
"Vyanada yeni dövr müzakirələr başlayır. Gündəlikdə müştərək sənədin müzakirəsi var. Həmin sənədlər 1 dekabr və 15 dekabr sənədləri kimi tanınır. Həm nüvə məsələsində, həm də sanksiyalar məsələsində 20 iyun sənədini kənara qoyduq və yeni sənəd haqqında razılaşdıq”.
O qeyd edib ki, elə bir razılıq əldə olunmalıdır ki, İran neftini heç bir maneə olmadan sata bilsin: "Neft satışından əldə olunan pul İran Banklarının dollar hesablarına yatırılmalıdır. Hərtərəfli Birgə Fəaliyyət Planının bütün üstünlüklərindən istifadə etməliyik."
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
