Çində koronavirusdan ölənlərin sayı 2345-ə çatıb

Çində koronavirusdan ölənlərin sayı 2345-ə çatıb
  • Clock-gray 08:46
  • calendar-gray 22 Fevral 2020

Çində koronavirus qurbanlarının sayı 2345-ə yüksəlib, 20 659 nəfər isə sağalaraq xəstəxanaları tərk edib. 

APA TASS-a istinadən xəbər verir ki, bu barədə Çinin Dövlət Səhiyyə Komitəsi açıqlama yayıb.

Bildirilib ki, gün ərzində koronavirusa yoluxanlardan 109 nəfər dünyasını dəyişib, 2393 nəfər xəstəxanadan buraxılıb. Ölkədə koronavirusa yoluxanların ümumi sayı isə 75 891 nəfər olub.

Çin rəsmilərinə görə, hazırda 31 əyalətdə 53 284 nəfər virusa yoluxub, onlardan 11,4 min nəfəri ağır olaraq qiymətləndirilir. Ölənlərin ən yüksək həddi Hubey əyalətində qeydə alınıb - 106 nəfər. 

Rəşad Sarıyev

Digər xəbərlər