Hindistanda yeni növ koronavirusa (COVID-19) yoluxanların ümumi sayı son 24 saat ərzində 1 000 nəfərdən çox artaraq 11 439-a çatıb.
APA-nın TASS-a istinadən verdiyi məlumata görə, bu barədə Hindistanın Səhiyyə və Ailə Rifahı Nazirliyinin veb-saytında bildirilir.
Qurumun məlumatına görə, ölənlərin sayı 38 nəfər artaraq 377-yə çatıb.
Son günlər Hindistanda sözügedən virusa yoluxma halları yüksək temp göstərib. Belə ki, bazar gününün səhər saatlarından bazar ertəsi gününün səhər saatlarınadək 796 nəfər koronavirusa yoluxub. Növbəti sutka ərzində artım 1 211-ə çatıb, son 24 saat ərzində isə 1 076 nəfər bu virusa yoluxub.
Səhiyyə Nazirliyinin məlumatına görə, ölkə xəstəxanalarında 9 756 nəfər koronavirus xəstəliyi ilə qeydiyyata alınıb, onlardan 1 306 nəfəri sağalıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
