Həsən Ruhani dost ölkələrin ABŞ-ın İrana sanksiyalarına etiraz etmədiyi üçün təəssüfləndiyini deyib.
APA-nın İran mətbuatına istinadən verdiyi xəbərə görə, bu barədə İran Prezidenti dövlət televiziyasında çıxışında bildirib.
"Keçən aylar ərzində, koronavirus ölkəmizə gəldiyindən bəri heç kim köməyimizə yetişmədi. ABŞ az da olsa, insanlığa və beynə sahib olsaydı, koronavirus pandemiyasına görə bir il üçün İrana qarşı tətbiq etdiyi sanksiyaları dayandırmağı təklif edərdi. Lakin ABŞ bütün bunlardan uzaqdır, mərhəmətsiz və pisdir. Bunun əvəzinə bu son yeddi ayda koronavirusun mövcud olduğu müddətdə bizə qarşı yeni sanksiyalar və təzyiqlər tətbiq edib.
Heç bir dost ölkə isə koronavirusla, çətinliklərlə üzləşdiyimiz dövrdə insanlıq naminə Amerikaya qarşı duracağını və ABŞ-ın təhdidlərinə baxmayaraq İranla əməkdaşlıq edəcəyini söyləmədi", - deyə Həsən Ruhani bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
