Türkiyə-Bolqarıstan sərhədində, Kapıkule sərhəd-keçid məntəqəsində yük maşınında 2 ton 70 kq marixuana aşkarlanıb.
APA-nın “Hürriyət” qəzetinə istinadən verdiyi xəbərə görə, bu barədə Türkiyənin Ticarət naziri Ruhsar Pekcan bildirib.
Narkotik vasitə İtaliyadan Gürcüstana gedən yük avtomobilinə baxış keçirilən zaman aşkar edilib.
2 ton 70 kq marixuananın “qara bazar” qiyməti təxminən 124 milyon 220 min türk lirəsi (20 milyon ABŞ dolları) məbləğində müəyyən olunub.
Yük avtomobilinin sürücüsü saxlanılıb.