Əfqanıstanda “Taliban”ın hücumu nəticəsində təhlükəsizlik qüvvələrinin əməkdaşları öldürülüb.
APA-nın “TOLO News”a istinadən verdiyi xəbərə görə, Əfqanıstanın şimalındakı Kunduz vilayətində “Taliban” döyüşçüləri nəzarət-buraxılış məntəqəsinə və yolda təhlükəsizlik qüvvələrinə hücum ediblər.
Hücum nəticəsində təhlükəsizlik qüvvələrinin ən azı 13 əməkdaşı öldürülüb, 10 nəfər yaralanıb.
Toqquşma zamanı “Taliban” da itki verib, lakin onların itkiləri açıqlanmayıb.