Əfqanıstanda “Taliban” silahlılarının hücumu nəticəsində 7 polis əməkdaşı öldürülüb.
APA-nın “Tolo News”a istinadən verdiyi xəbərə görə, “Taliban” döyüşçüləri Bağlan vilayətinin paytaxtı Pul-e-Xumri şəhərindəki hərbi bazaya hücum ediblər.
Adının çəkilməsini istəməyən təhlükəsizlik xidmətindən olan mənbə bildirib ki, hücum zamanı “Taliban” da itki verib.
Yerli təhlükəsizlik qüvvələri və “Taliban” hücumla bağlı məlumat yaymayıb.