Hindistanda 3 avtomobilin iştirakı ilə yol-nəqliyyat hadisəsi baş verib.
APA-nın “Times of İndia”-ya istinadən verdiyi xəbərə görə, yol qəzası nəticəsində ən azı 16 nəfər ölüb, 5 nəfər isə yaralanıb. Ölənlər arasında 3 uşaq da var.
İnsident Hindistanın şimalında yerləşən Uttar-Pradeş ştatının Şahcahanpur şəhərində baş verib.
Bildirilir ki, yüksək sürətlə hərəkət edən yük maşını iki avtomobilə çırpılaraq aşıb.