Səudiyyə Ərəbistanı kralının şəxsi mühafizəçisi öldürülüb

Səudiyyə Ərəbistanı kralının şəxsi mühafizəçisi öldürülüb
  • Clock-gray 12:52
  • calendar-gray 29 Sentyabr 2019

Səudiyyə Ərəbistanı kralının şəxsi mühafizəçisi, briqada generalı Əbdüləziz  bin Bəddah əl-Fağım öldürülüb.

APA-nın SPA agentliyinə istinadən verdiyi məlumata görə, hadisə dünən axşam Ciddə şəhərində baş verib.

General axşam saatlarında dostu Turki Ben Abdel-Əzizin evinə qonaq gedib. Evdə Əbdüləziz bin Bəddah əl-Fağımın digər dostu Mahmud Ben Maşaal da olub. General və Mahmud Ben Maşaal arasında mübahisə olub. Sonuncu mübahisədən sonra evi tərk edib, daha sonra silahla geri dönərək atəş açmağa başlayıb. Nəticədə Əbdüləziz  bin Bəddah əl-Fağım, ev sahibi və evdə çalışan filippinli xidmətçi yaralanıb.

Hüquq-mühafizə orqanları hadisə yerinə gəlib. Mahmud Ben Maşaal təslim olmaq istəməyib və atışma zamanı öldürülüb. Hadisə zamanı təhlükəsizlik qüvvələrinin 5 əməkdaşı da yaralanıb.  

Kralın mühafizəçisi və digər yaralılar xəstəxanaya yerləşdirilib. Ancaq həkimlərin səylərinə baxmayaraq, Əbdüləziz  bin Bəddah əl-Fağım həyatını itirib.

 

apa-logo-mini

Digər xəbərlər

Arxiv

date