Çexyanın Səhiyyə naziri Yan Blatni respublikada epidemioloji vəziyyətin pisləşməsi səbəbindən karantin rejiminin üç həftəlik uzadılmasını tövsiyə edib.
APA TASS-a istinadən xəbər verir ki, nazir martın 18-də keçirilməsi planlaşdırılan fövqəladə iclasda mövcud məhdudiyyətlərin aradan qaldırılmasının tərəfdarı olmayacağını deyib.
Onun sözlərinə görə, ölkədə epidemioloji vəziyyəti hələ də yaxşılaşmayıb, əksinə, sutkalıq yoluxma dinamikası artmaqda davam edir: “Xəstəxanalar koronavirusa yoluxan xəstələrlə dolub. İnfeksiya təqaüdçülər arasında daha çox yayılır”.