Gürcüstanda beynəlxalq cinayətkar dəstənin üzvləri saxlanılıb

Gürcüstanda beynəlxalq cinayətkar dəstənin üzvləri saxlanılıb
  • Clock-gray 11:30
  • calendar-gray 30 Yanvar 2020

Gürcüstanın Dövlət Təhlükəsizlik Xidmətinin (DTX) Terrorla Mübarizə Mərkəzi Ukrayna Təhülkəsizlik Xidməti ilə birgə həyata keçirdiyi əməliyyat nəticəsində 6 Gürcüstan və 1 Ukrayna vətəndaşından ibarət beynəlxalq cinayətkar qruplaşmanın üzvləri saxlanılıb. 

APA-nın yerli bürosu xəbər verir ki, bu barədə Gürcüstan DTX-nın mətbuat xidmətinin rəhbəri İrakli Çimakadze məlumat verib. O bildirib ki, bir neçə ay davam edən operativ əməliyyat və istintaq tədbirlərindən sonra Gürcüstan və Ukraynada eyni vaxtda hətaya keçirilən əməliyyat zamanı cinayətkar dəstənin 6 üzvü Tbilisi və Batumidə, 1 üzvü isə Xarkov şəhərində saxlanılıb. Saxlanılan şəxslərin 2 Gürcüstan vətəndaşının qətlini planlaşdırdığı məlum olub.

Dəstə üzvləri silahlı insidentlərdə iştirak, qəsdən adam öldürməyə cəhd, odlu silahların və partlayıcı qurğuların istehsalı, saxlanılması və satışında ittiham olunurlar. 

 

Səid Babazadə

Digər xəbərlər

Arxiv

date