Gürcüstanda azərbaycanlıların kompakt yaşadığı Marneuli rayonunda sərt karantin rejimi ləğv edilib.
APA-nın yerli bürosu xəbər verir ki, bu gündən etibarən rayon ərazisinə giriş-çıxışa qoyulan qadağa götürülüb və vətəndaşlara sərbəst hərəkətə icazə verilib.
Eyni zamanda rayonun girişinə quraşdırılmış xüsusi nəzarət-buraxılış məntəqəsi ləğv edilib və ərazidəki maneələr sökülüb.
Qeyd edək ki, koronavirus səbəbi ilə martın 23-də Marneuli və Bolnisi rayonlarında sərt karantin rejimi tətbiq ediliib.