Gürcü teleaparıcı Giorgi Qabunianı qanunsuz izləməkdə şübhəli bilinən Rusiya vətəndaşı 4 il müddətinə azadlıqdan məhrum edilib.
APA-nın yerli bürosunun xəbərinə görə, bu barədə Gürcüstan Baş Prokurorluğu məlumat yayıb.
Bildirilib ki, Tbilisi Şəhər Məhkəməsi Rusiya vətəndaşı Maqomed Gutsievin 4 il müddətinə azadlıqdan məhrum edilməsi barədə qərar çıxarıb.
İstintaq çərçivəsində həbs edilən şəxsin Rusiya-Gürcüstan sərhədini saxta sənədlərlə keçməsi və teleaparıcı Giorgi Qabunianı 2020-ci ilin 11 fevralından 13 iyun tarixinədək sistematik şəkildə qanunsuz izləməsi və onun barəsində şəxsi məlumatlar toplaması sübuta yetirilib.
Qeyd edək ki, “Rustavi 2” telekanalının sabiq aparıcısı G. Qabunia 2019-cu ilin iyul ayında Rusiya Prezidenti Vladimir Putinin ünvanına təhqiramiz ifadələr işlədib və daha sonra kanalın efirindən uzaqlaşdırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
