Yunanıstanın Peloponnes yarımadasının şərqində yaşayan yüzlərlə insan meşə yanğınlarına görə evlərini tərk etmək məcburiyyətində qalıb.
APA-nın xəbərinə görə, bu barədə “Reuters” məlumat yayıb.
Agentliyin məlumatına görə, yanğının söndürülməsi istiqamətində iş aparılır.
Yanğının söndürülməsinə 4 vertolyot və 8 təyyarə cəlb olunub.
Yanğın nəticəsində meşə sahəsinə, üç yaşayış evinə ziyan dəyib.
Bir yanğınsöndürən maşın yararsız hala düşüb.