Belçikada miqrant qəbuluna aid bina yandırılıb

Belçikada miqrant qəbuluna aid bina yandırılıb
# 13 noyabr 2019 08:29 (UTC +04:00)

Belçikanın Limburq şəhərində sığınacaq axtaranların yerləşdirilməsi üçün mərkəzin ehtiyacları üçün nəzərdə tutulan qeyri-yaşayış binası tamamilə yanıb külə dönüb.

APA xəbər verir ki, şəhər meriyasının yaydığı məlumata görə, yanğının qəsdən törədildiyi güman edilir. Polis də məhz bu versiyaya meyllidir.

Limburq şəhər bələdiyyəsinin sərəncamında olan bina yaxın vaxtlara qədər qocalar evi kimi fəaliyyət göstərib.

Yanğın gecə yarısına az qalmış baş verib. Zərərçəkən olmayıb, lakin ev elə duruma düşüb ki, bərpası mümkün deyil. Binadan yalnız kömürə dönmüş dayaqlar qalıb. Lakin polis kilidi sındırma izlərini aşkara çıxara bilib.

Daha əvvəl Limburqda qaçqınlara yardım mərkəzinin açılması əleyhinə etiraz aksiyaları keçirilib. Flandriya Qırmızı Xaç Cəmiyyəti əvvəlki kimi şəhərdə belə bir mərkəz açmağı planlaşdırır.

Hüquq-mühafizə orqanları təhqiqata başlayıb.

#
#

ƏMƏLİYYAT İCRA OLUNUR