BMT Baş Assambleyasında Gürcüstanla bağıl qətnamə qəbul edilib

BMT Baş Assambleyasında Gürcüstanla bağıl qətnamə qəbul edilib
  • Clock-gray 10:51
  • calendar-gray 05 İyun 2019

BMT Baş Assambleyasının iyunun 4-də keçirilən 73-cü sessiyasında  Abxaziya və Cənubi Osetiyadan olan qaçqın və məcburi köçkünlərin statusu ilə bağlı qətnamə qəbul edilib. 

APA-nın yerli bürosu xəbər verir ki, bu barədə Gürcüstan Xarici İşlər Nazirliyi bəyanat yayıb. Bəyanatda bildirilib ki, 79 ölkə sənədin lehinə, 15 ölkə isə əleyhinə səs verib. Qətnaməyə 45 ölkə qoşulub.

Sənəd qaçqın və məcburi köçkünlərin könüllülük, təhlükəsizlik və evlərinə qayıtmaq kimi fundamental hüquqlarını gücləndirir.

Qətnamədə, həmçinin işğal edilmiş rayonlarda demoqrafik dəyişikliklərin edilməsi pislənilir, Cenervrə danışıqlarının tərəfləri həmin bölgələrdə təhlükəsizlik və insan haqlarının qorunması istiqamətində səylərini canlandırmağa çağırır.

Gürcüstan Xarici İşlər Nazirliyinin bəyanatında bildirilib ki, qətnamədə Abxaziya və Sxinvaliyə (Cənubi Osetiya) təcili humanitar yardımların edilməsinin vacibliyi qeyd olunub.

Qətnaməyə GUAM ölkələri tərəfindən də dəstək verildiyi bildirilib.
 

Səid Babazadə

Digər xəbərlər

Arxiv

date