Baş naziri Giorgi Qaxaria Mixeil Çxenkelini Təhsil, Elm, Mədəniyyət və İdman naziri təyin edib.
APA-nın yerli bürosu xəbər verir ki, bu barədə Gürcüstanın İctimai Televiziyası məlumat yayıb. M. Çxenkeli bundan əvvəl Gürcüstan Baş nazirinin müşaviri olub.
M. Çxenkeli 2017-2018-ci illərdə Gürcüstanın Təhsil və Elm naziri vəzifəsini, bundan öncə isə Tbilisi Dövlət Universitetinin vitse-rektoru vəzifəsini tutub.
Qeyd edək ki, Gürcüstanın sabiq Təhsil, Elm, Mədəniyyət və İdman naziri Mixeil Batiaşvili noyabrın 7-də istefa verib.