Gürcüstanın Müdafiə naziri Azərbaycan səfiri ilə görüşüb

Gürcüstanın Müdafiə naziri Azərbaycan səfiri ilə görüşüb
  • Clock-gray 10:24
  • calendar-gray 02 Oktyabr 2019

Gürcüstanın Müdafiə naziri İrakli Qaribaşvili Azərbaycanın Gürcüstandakı səfiri Dursun Həsənovu qəbul edib.

APA-nın yerli bürosunun xəbərinə görə, bu barədə Gürcüstan Müdafiə Nazirliyi məlumat yayıb.

Bildirilib ki, görüş zamanı tərəflər iki ölkənin müdafiə qurumları arasında əməkdaşlığın perspektivlərini, həmçinin regional təhlükəsizlik məsələlərini müzakirə ediblər.

Müdafiə naziri Azərbaycanla münasibətləri, həmçinin üçtərəfli formatda Gürcüstan, Azərbaycan və Türkiyə arasındakı əməkdaşlığı diqqətə çatdırıb.

Məlumata görə, İ. Qaribaşvili Azərbaycan səfiri ilə hərbi təhsildə əməkdaşlıq və təcrübə mübadiləsi barədə də danışıb.

Görüşdə Azərbaycanın Hərbi attaşesi polkovnik Fuad İbrahimov və səfirliyin digər nümayəndələri də iştirak edib.

Səid Babazadə

Digər xəbərlər

Arxiv

date