Avropa

Ana səhifə

Avropa

Macarıstanın baş naziri: “Bizim üçün əsas enerji mənbəyi Azərbaycandır”

26 yanvar 2009 15:35 (UTC +04:00)

Bakı. Laçın Sultanova - APA. “Rusiya ilə Ukrayna arasında baş vermiş qaz münaqişəsi nəticəsində zərər çəkmiş ölkələr müqavilə öhdəliklərini yerinə yetirməyənlərdən dəymiş zərərin ödənməsini tələb etməlidir”. APA-nın beynəlxalq xəbər agentliklərinə istinadən verdiyi məlumata görə, bunu Macarıstanın baş naziri Ferents Dyurçan deyib. O, Budapeştdə “Nabucco” layihəsinə həsr olunmuş sammitdə bu təşəbbüslə çıxış edəcəyini bildirib. F. Dyurçanın fikrincə, qaz böhranı göstərdi ki, enerji mənbələri müxtəlif və çoxsaylı olmalıdır. Baş nazir Macarıstan üçün əsas enerji mənbəyinin Azərbaycan olduğunu vurğulayıb. “Nabucco”nun təkcə kommersiya təşəbbüsü olmadığını qeyd edən F. Dyurçan bəyan edib ki, bu layihə Avropanın müstəqilliyi ilə əlaqəlidir, ona görə də layihənin maliyyələşdirilməsi yalnız biznes məsələsi deyil.

nabucco_qaz