Landsberqis və Brazauskas Litvada prezident seçkilərində iştirakdan imtina ediblər
07 mart 2009 08:45 (UTC +04:00)
Vilnüs-APA. Litvanın sabiq dövlət başçıları Vitautas Landsberqis və Alqirdas Brazauskas mayda keçiriləcək prezident seçkilərində namizədliklərini irəli sürməyəcəklər. APA-nın məlumatına görə, Avropa Parlamentinin üzvü olan Landsberqis onun namizədliyini irəli sürməyə hazırlaşan Vətən İttifaqı – Litva Xristian Demkratları birliyinə göndərdiyi məktubda bildirib ki, namizəd olmağı o qədər də vacib saymır. Qeyd edək ki, qanunvericiliyə uyğun olaraq ittifaq üzvlərinin 1/3 hissəsi Landsberqisin namizədliyini dəstəkləyib. Alqirdas Brazauskas isə qərarını Sosial-Demkrat Partiyasının toplantısında açıqlayıb. Bu qərardan sonra partiya prezidentliyə namizəd olaraq öz sədrini irəli sürmək qərarına gəlib. Partiyaya yeni sədr seçkiləri bu gün keçiriləcək. Qeyd edək ki, artıq Litvada altı siyasətçi prezident seçkilərində iştirak etmək qərarını açıqlayıb. Prezidentliyə namizəd olmaq istəyənlər aprelin 2-nə kimi 20 min seçici imzasını MSK-ya təqdim eləməlidir. Namizədlərin yekun siyahısı aprelin 17-də təsdiqlənəcək.
Avropa
Finlandiya prezidenti: Ukraynada sülhə gedən yol yalnız döyüş meydanından keçir
21:57
10 may 2024
Kanada Ukraynaya HHM vasitələrinin alınması təşəbbüsünə 56 milyon dollar sərf edəcək
20:47
10 may 2024
Rusiya Xarkovu atəşə tutub, ölən və yaralananlar var
16:52
10 may 2024
Ukraynada 20 minə qədər məhkum orduya cəlb edilə bilər
13:12
10 may 2024