İsveç və Finlandiyanın NATO-ya daxil olması təşkilatın güclənməsi üçün şərtdir. Onların bu təşkilata qatılmaqlarını müsbət məqam sayıram.
APA-nın İstanbul müxbiri xəbər verir ki, bu barədə Polşa xarici işlər naziri Zbiqnev Rau İstanbulda türkiyəli və rumıniyalı həmkarları ilə birgə mətbuat konfransı zamanı deyib.
O qeyd edib ki, bunu Avropanın təhlükəsizliyi tələb edir, amma bu addım Türkiyə də daxil olmaqla, NATO müttəfiqlərinin xeyrinə olmalıdır.
Onun sözlərinə görə, bu iki ölkənin NATO-ya üzvlük prosesi aylarla davam edə bilər.