Türkiyə Silahlı Qüvvələri Akçakale sərhəd xəttində PKK terrorçularının hücumu nəticəsində 3 əsgərin şəhid olduğu bölgədə antiterror əməliyyatı aparır.
APA-nın Türkiyə bürosunun xəbərinə görə, bu barədə məlumatı Milli Müdafiə Nazirliyi yayıb.
Qeyd olunub ki, hücumundan sonra PKK/YPG hədəfləri atəşə tutulub və ilkin məlumata görə 12 terrorçu zərərsizləşdirilib. Bölgədə terrorçulara qarşı əməliyyatlarının davam edildiyi bildirilir.
Müdafiə naziri Hulusi Akar sosial media hesabında həlak olanların ailələrinə başsağlığı verib.