Türkiyədə baş verən zəlzələ nəticəsində 76 nəfər həyatını itirib.
APA-nın İstanbul müxbirinin verdiyi xəbərə görə, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Zəlzələ nəticəsində azı 440 nəfər xəsarət alıb.
***
08.20
Bazar ertəsi Türkiyənin cənub-şərqində baş verən 7,4 bal gücündə zəlzələ nəticəsində azı 51 nəfər ölüb.
APA-nın xəbərinə görə, bunu təbii fəlakətdən zərər çəkmiş Diyarbəkir, Malatya, Osmaniye və Şanlıurfa əyalətlərinin valilərinin məlumatları sübut edir.
***
07.51
Türkiyənin cənubundakı Adana şəhərində güclü zəlzələ nəticəsində üç hündürmərtəbəli yaşayış binası tamamilə dağılıb.
APA-nın məlumatına görə, bunu bu şəhərin meri Zeydan Karalar “Habertürk” telekanalının efirində deyib.
“3 yaşayış binası, o cümlədən 17 və 14 mərtəbəli bina tamamilə dağılıb. Xilasedicilər hələ də onlara yaxınlaşa bilməyib. Hələlik itki yoxdur”, - deyə o bildirib.
***
07.15
Türkiyənin cənub-şərqində baş verən zəlzələdən sonra Diyarbəkir vilayətində 8 mərtəbəli bina uçub.
Bu barədə APA Doğan agentliyinə istinadən xəbər verir.
Hazırda axtarış-xilasetmə işləri davam etdirilir. Bundan əlavə, xilasedicilər yaxınlıqdakı evlərin sakinlərinə kömək edirlər.
Hələlik ölən və yaralananlar barədə məlumat verilmir.
***
06.36
Qəhrəmanmaraşda baş verən zəlzələ Türkiyənin 4 vilayətində hiss edilib.
APA-nın Türkiyə mediasına istinadla xəbərinə görə, afterşoklar 2 saata qədər davam edib. Şanlıurfa əyalətində dağıntılar var.
Ərəbdilli media yeraltı təkanların İraq və Livanda da hiss edildiyini xəbər verir.
***
05.29
Türkiyənin Qəhrəmanmaraş bölgəsində 7,4 bal gücündə zəlzələ baş verib.
APA-nın xəbərinə görə, bu barədə NTV məlumat yayıb. Ərazidə afterşoklar davam edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
