Ukrayna Silahlı Qüvvələrinin hərbçiləri ölkənin cənubunda Rusiya ordusunun iki dayaq məntəqəsini və silahlarının cəmləşdiyi iki ərazini məhv ediblər.
APA xəbər verir ki, bu barədə Cənub Əməliyyat Komandanlığının “Facebook” hesabında məlumat yayılıb.
Qeyd olunur ki, Cənub Buq istiqamətində vəziyyət çətin olsa da nəzarət altındadır.
O cümlədən, Rusiya ordusunun tərkibində və mövqeyində ciddi dəyişikliklər baş verməyib.
“Quruda uğur qazana bilməyən Rusiya bölmələrimizin mövqelərinə qarşı aviasiyadan istifadə etməyə davam edib. Lakin 14 hava hücumu uğursuz alınıb”, - deyə məlumatda bildirilir.
Eyni zamanda, Ukrayna aviasiyası Novopetrovka və Maksimovka rayonlarında iki dayaq məntəqəsini və Rusiya ordusunun silah və texnikasının cəmləşdiyi iki ərazini vurub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
