Bakı-APA. İspaniyanın Qalisiya əyalətində qəzaya uğramış qatarın maşinisti polisə ifadə verməkdən boyun qaçırıb. APA-nın xəbərinə görə, bu barədə Agence France-Presse məlumat verir.
52 yaşlı Fransisko Xose Qarson Amo hazırda polisin nəzarəti altında hospitaldadır. İyulun 25-də ona qarşı səhlənkarlıq ittihamı irəli sürülüb.
Madriddən Ferrola gedən qatar iyulun 24-də qəzaya uğrayıb. Hadisə nəticəsində 78 nəfər həlak olub. Daha 81 nəfər isə yaralanıb. Qatarın sürət limitini aşaraq saatda 190 kilometr sürətlə hərəkət etdiyi bildirilir.