Bakı-APA. Litva parlamenti mərkəzi seçki komissiyasının səlahiyyətlərini ləğv edib.
APA-nın rosbalt.ru saytına istinadən verdiyi xəbərə görə, deputatlar bu qərarı Litva Konstitusiya məhkəməsinin oktyabrda keçirilən seçkiləri zamanı saxtakarlığın baş verməsi barədə çıxartdığı qərardan sonra qəbul ediblər.
Konstitusiya məhkəməsi bildirib ki, Litva MSK-sı proporsional qaydada olan seçkilərdə partiya siyahısında qalib gələn namizədlərin yerlərini müəyyən edərək qanunu pozub. Bundan başqa, bir seçki dairəsində seçkilər qanun pozuntuları ilə keçirilib.
Qeyd edək ki, Litvada proporsional və majoritar qaydada keçirilən parlament seçkilərində Litva sosial-demokrat partiyası ən çox deputat mandatına sahib olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
