MN: Azərbaycan Ordusunda keçirilən andiçmə mərasimində valideynlərin iştirakı qadağandır

MN: Azərbaycan Ordusunda keçirilən andiçmə mərasimində valideynlərin iştirakı qadağandır
  • Clock-gray 14:07
  • calendar-gray 06 Avqust 2020

Avqustun 9-da Azərbaycan Ordusunun təlim hissə və bölmələrində gənc əsgərlərin andiçmə mərasimi keçiriləcək.

Bu barədə APA-ya Müdafiə Nazirliyindən bildirilib.

Qeyd olunub ki, Nazirlər Kabineti yanında Operativ Qərargahın koronavirus infeksiyasına qarşı mübarizə ilə bağlı müvafiq qərarına əsasən Azərbaycan Ordusunun şəxsi heyətinin təhlükəsizliyini təmin etmək və hərbi qulluqçuların yoluxmasının qarşısını almaq məqsədilə valideynlərin, eləcə də ictimaiyyət və KİV nümayəndələrinin andiçmə mərasimlərində iştirakı qadağandır.

"Vətəndaşlarımızdan bu qərara anlayışla yanaşmağı və andiçmə mərasimlərinə gəlməməyi xahiş edirik", - deyə məlumatda bildirilir.

apa-logo-mini

Digər xəbərlər