Nazir müavinləri Rusiyanın Azərbaycandakı səfirliyinə başsağlığı veriblər - YENİLƏNİB

Nazir müavinləri Rusiyanın Azərbaycandakı səfirliyinə başsağlığı veriblər - YENİLƏNİB
  • Clock-gray 17:17
  • calendar-gray 10 Noyabr 2020

Bu ilin 10 noyabr tarixində Azərbaycan Respublikasının Xarici İşlər nazirinin müavini Xələf Xələfov və Azərbaycan Respublikasının Müdafiə nazirinin müavini - Hərbi Hava Qüvvələrinin komandanı, general-leytenant Ramiz Tahirov Rusiya Federasiyasının Azərbaycan Respublikasındakı Səfirliyinə gediblər.

Bu barədə APA-ya Xarici İşlər Nazirliyinin (XİN) Mətbuat xidməti idarəsindən məlumat verilib.

Bildirilib ki, 9 noyabr 2020-ci il tarixində Ermənistan-Azərbaycan sərhədi yaxınlığında Rusiya Federasiyasına məxsus Mi-24 hərbi helikopterinin vurulması ilə bağlı yaşanan faciəvi hadisə ilə bağlı başsağlığı bildiriblər.

***

saat 16:27

Azərbaycan Xarici İşlər nazirinin müavini Xələf Xələfov və Müdafiə nazirinin müavini - Hərbi Hava Qüvvələrinin komandanı, general-leytenant Ramiz Tahirov bu gün Rusiyanın Azərbaycandakı səfirliyində olublar.

APA-nın xəbərinə görə, bu barədə Rusiyanın Azərbaycandakı səfirliyinin "Twitter" səhifəsində məlumat verilib. 

X. Xələfov və R. Tahirov Rusiyaya məxsus Mi-24 hərbi helikopterinin Naxçıvan istiqamətində vurulması nəticəsində insan tələfatı ilə əlaqədar başsağlığı veriblər.

Zümrüd Paşkin

Digər xəbərlər