Daxili siyasət

Ana səhifə

Daxili siyasət

Bakıda Azərbaycan və Rusiya ikitərəfli parlamentlərarası komissiyasının 6-cı iclası keçirilir

18 dekabr 2006 11:27 (UTC +04:00)

APA-nın məlumatına görə, iclas iştirakçıları toplantıdan öncə Fəxri Xiyabanı ziyarət ediblər. İclasın yekunlarına dair keçirilən brifinqdə parlamentlərarası komissiyanın Rusiyadan olan həmsədri Svetlana Orlova iclasın ümumilikdə səmərəli keçdiyini bildirib. S.Orlova azərbaycanlı həmkarları ilə ölkələr arasında cari iqtisadi vəziyyəti, gömrük prosedurları, sərhədlərin delimitasiyası, ticarət dövriyyəsi, iqtisadiyyatın digər sahələrində əməkdaşlığa dair digər məsələlərin müzakirə olunduğunu vurğulayıb: “Rusiya və Azərbaycan hökumətlərinin iqtisadiyyatın müxtəlif sahələrini əhatə edən bir sıra layihələri var”.
Komissiyanın Azərbaycan tərəfindən həmsədri Valeh Ələsgərov isə əməkdaşlığın səmərəli şəkildə davam etdiyini deyib. V.Ələsgərovun sözlərinə görə, gələcək iclaslar həm parlamentlərarası əməkdaşlığın inkişafına, həm də dövlətlərin mənafeyinə xidmət edəcək. /APA/