“Hərbi qulluqçuların statusu haqqında” qanun layihəsini keçən dəfə də payız sessiyasının iş planına daxil etmişdik.
APA-nın xəbərinə görə, bunu bu gün Milli Məclisin Müdafiə, təhlükəsizlik və korrupsiya ilə mübarizə komitəsinin iclasında komitə sədri Ziyafət Əsgərov bildirib.
Ziyafət Əsgərov deyib ki, qanun layihəsi maliyyə resursları tələb edir: “Mən bu barədə maliyyə naziri Samir Şərifovla da danışmışam. Ümid edirik ki, bu sessiyada “Hərbi qulluqçuların statusu haqqında” qanun layihəsi qəbul ediləcək”.