Deputat: "Biz bütün cəbhələrdə qalib gələcəyik"

Deputat: "Biz bütün cəbhələrdə qalib gələcəyik"
  • Clock-gray 11:32
  • calendar-gray 27 Oktyabr 2020

"Əks-hücum əməliyyatlarından keçən bir ay ərzində Silahlı Qüvvələrimiz çox böyük uğurlar qazanıb".

APA-nın məlumatına görə, bunu Milli Məclisin bu gün keçirilən iclasında deputat Fəzail Ağamalı deyib.

O bildirib ki, 4 rayonda, əhəmiyyətli yüksəkliklərdə, Hadrut, Suqovuşan kimi ciddi yaşayış məntəqələrində artıq Azərbaycan bayrağı dalğalanır: “Keçən bu müddət ərzində həm də bizim təkcə vandal ölkə ilə deyil, beynəlxalq güclərlə də vuruşduğumuz ortaya çıxdı. Beynəlxalq güclərin, ATƏT-in Minsk Qrupu həmsədrlərinin Ermənistana olan dəstəyi bu Vətən müharibəsində ortaya çıxdı. Əminəm ki, biz bütün cəbhələrdə qalib gələcəyik. Bu qələbə 200 ildir üzərimizə gələn vandal ermənilərin üzərində möhtəşəm qələbəmiz olacaq”.

Firuzə Vahid

Digər xəbərlər