Bu gün Mərkəzi Seçki Komissiyasının (MSK) iclasında Milli Məclisə seçkilərlə əlaqədar 68 saylı Cəlilabad Kənd Seçki Dairəsindən qeydiyyata alınmış Müsavat Partiyasının namizədi Davud Qurbanovun müraciətinə baxılıb.
APA-nın məlumatına görə, məsələ barədə MSK üzvü Validə Kazımova məlumat verib.
V. Kazımova bildirib ki, MSK-nın apardığı araşdırma zamanı iddia edilən qanun pozuntuları təsdiqini tapmayıb.
D. Qurbanov səsvermə günü səslərin sayılması zamanı 9 və 25 saylı seçki məntəqələrinə buraxılmadığını, məntəqə sədrlərinin təzyiqləri ilə üzləşdiyini söyləyib.
MSK sədri Məzahir Pənahov 68 saylı Cəlilabad Kənd Seçki Dairəsinin 9 və 25 saylı məntəqə seçki komissiyaları barədə ciddi ölçü götürüləcəyini söyləyib.
MSK müvafiq dairə seçki komissiyasının qərarını qüvvədə saxlayıb və müraciətin təmin edilməməsi barədə qərar qəbul edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
