Milli Məclisin növbədənkənar xüsusi sessiyasının növbəti plenar iclası başlayıb.
APA-nn xəbərinə görə, iclasa sədrliyi Milli Məclisin spikeri Oqtay Əsədov edir.
Milli Məclisin iyunun 27-də və 28-də keçiriləcək növbədənkənar plenar iclaslarının gündəliyinə 49 məsələ daxildir.
Bunlar “2018-ci il Dövlət büdcəsinin icrası haqqında”, "Dövlət rüsumu haqqında", "Kredit ittifaqları haqqında", "Məhkəmələr və hakimlər haqqında" , “Dövlət satınalmaları haqqında”, “Əmək pensiyaları haqqında”, "Yol hərəkəti haqqında", "Körpələrin və erkən yaşlı uşaqların qidalanması haqqında", "Ekoloji təmiz kənd təsərrüfatı haqqında", "Arıçılıq haqqında", “Aqrar sığorta haqqında” qanun layihələri , Vergi, Əmək, İnzibati Xətalar məcəllələrinə və s. qanunlara dəyişiklik layihələridir.
Bundan başqa, "Azərbaycan Respublikasının 2019-cu il dövlət büdcəsi haqqında", "Sosial təminatı və müdafiəni həyata keçirən müvafiq icra hakimiyyəti orqanının 2019-cu il büdcəsi haqqında", "İşsizlikdən sığorta fondunun 2019-cu il büdcəsi haqqında" qanun layihələrinə dəyişiklik birinci oxunuşda müzakirə olunacaq.
Qeyd edək ki, Milli Məclisin xüsusi sessiyanın növbəti plenar iclaslarının iyulun 9-u və 12-də keçirilməsi nəzərdə tutulub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
